सिनेमा संसार
काठमाडौं
सिनेमा ‘अभिमन्यु : च्याप्टर १’को ट्रेलर सार्वजनिक भएको छ। क्राइम-थ्रिलर यस सिनेमाले मुख्य पात्रले परिवारको खुसीका लागि आत्मसात गर्नुपर्ने बाटो र संघर्षको कथा प्रस्तुत गरेको छ।३ मिनेट ११ सेकेन्डको ट्रेलरले कथावस्तु, चरित्र चित्रण र द्वन्द्वबारे प्रकाश पारेको छ। ट्रेलरमा कामेश्वर चौरासिया, लक्ष्मी बर्देवा, गौमाया गुरुङ, सरिता गिरी र प्रकाश दाहालको अभिनय देख्न सकिन्छ।सुशान्त गौतम निर्देशित यस सिनेमाको पटकथा मुकेश खनालले लेखेका हुन्। सेभेन सिज सिनेमाजको ब्यानरमा बनेको सिनेमा विनोद पौडेल र गुञ्जन गिरीले निर्माण गरेका हुन्।अभिमन्यु नेपाली संस्करण भदौ २७ गते र हिन्दी संस्करण असोज ६ गतेदेखि प्रदर्शनमा आउने तयारीमा छ।
