CINEMANEWS

निर्माणाधीन सिनेमा जारी २ का पोस्टर सार्वजनिक

सिनेमा संसार

काठमाडौं

कविबाट सिनेमा लेखक र निर्देशक बनेका उपेन्द्र सुब्बाको निर्देशनमा निर्माणाधीन सिनेमा जारी २ ले तीन पोस्टर सार्वजनिक गर्दै आगामी असोज ३ गते रिलिज डेट घोषणा गरेको छ।

ती पोस्टरमध्ये पहिलोमा सिनेमाका प्रमुख कलाकार सबैलाई देखाइएको छ भने अन्य दुई पोस्टरमा दयाहाङ राई र मिरुना मगरलाई मात्र प्रस्तुत गरिएको छ। पोस्टरमा उनीहरू खुशी मुद्रामा देखिएका छन्—एकमा दयाहाङ मस्तीपूर्वक च्याब्रुङ बजाइरहेका छन् भने मिरुना परम्परागत लिम्बु पहिरनमा मुस्कुराइरहेकी छन्। अर्को पोस्टरमा दयाहाङ र मिरुना क्यामराका लागि हाँसिलो मुद्रामा पोज दिइरहेका छन्।पहिलो पोस्टरमा दयाहाङ र मिरुनासँगै बुद्धि तामाङ, विजय बराल, एउटी बालिका, र कोसेली बोकेका भरिया देखिएका छन्। पोस्टरहरूले लिम्बु समुदाय र उनीहरूको संस्कृतिको अभिन्न पाटो च्याब्रुङ बाजाको माध्यमबाट सिनेमा कथा प्रस्तुत गर्ने संकेत दिएका छन्।

बाँसुरी फिल्म्स् र कबड्डी फिल्म्स्को ब्यानरमा निर्देशक रामबाबु गुरुङद्वारा निर्मित सिनेमा मा दयाहाङ, मिरुना, विजय, बुद्धि, ऋचा शर्मा, पुष्कर गुरुङ, प्रेम सुब्बा, माओत्से गुरुङ, मानहाङ लावती, विष्णु मोक्तान, कमलमणि नेपाल, अनिल सुब्बा, रेखा लिम्बु, बेदना राई, सिर्जना निङ्लेहु लगायतका कलाकारले अभिनय गरेका छन्।

सुब्बाले २०८० सालको ब्लकबस्टर सिनेमा जारी पछि जारी २ निर्देशन गरेका हुन्। सो वर्ष जारी ले बक्स अफिसमा १७ करोडभन्दा बढी व्यापार गरेको थियो। निर्माण घोषणा भएदेखि नै जारी २ प्रतीक्षित सिनेमा सूचीमा रहिरहेको छ।

Related Articles

Back to top button