सिनेमा संसार
काठमाडौं
आगामी असोज ३ गते रिलिज हुन लागेको सिनेमा जारी–२ : सङ अफ च्याब्रुङ ले आफ्नो टिजरसहित फेरि उत्साह दर्शकमाझ छरेको छ।
२ मिनेट ३४ सेकेन्डको टिजर च्याब्रुङ नै नाच्न नजान्ने लिम्बुलाई नाङ्गो पहाडसँग तुलना गर्ने चोटिलो संवादबाट सुरू हुन्छ, जसले तुरुन्तै हासो र जिज्ञासा दुवै जगाउँछ। सिनेमाले लिम्बु समुदायको सांस्कृतिक पहिचान – च्याब्रुङ बाजालाई केवल संगीत होइन, खुशी, सम्झना र सम्बन्धको प्रतीकका रूपमा प्रस्तुत गरेको छ। टिजरमार्फत प्रेम, परिवार र समुदायबीचका उकालो–ओरालो जीवनका क्षणहरू, हास्य र भावुकता मिसिएको कथाको आभास पाइन्छ।
यो सांस्कृतिक महकलाई दयाहाङ राई, मिरुना मगर र विजय बरालको दमदार उपस्थितिले अझै चम्काएको छ। साथै, बुद्धि तामाङ, ऋचा शर्मा, पुष्कर गुरुङ, प्रेम सुब्बा, माओत्से गुरुङ, मानहाङ लावती, विष्णु मोक्तान, कमलमणि नेपाल, अनिल सुब्बा, रेखा लिम्बु, बेदना राई र सिर्जना निङ्लेखुजस्ता कलाकारले कथा र चरित्रलाई विविध रंग दिएका छन्।
रामबाबु गुरुङ, मधु मिजार र जीवन गुरुङको निर्माण तथा उपेन्द्र सुब्बाको लेखन–निर्देशनमा बनेको यो सिनेमा बा“सुरी फिल्म्स् र कबड्डी फिल्म्स्को संयुक्त ब्यानरमा तयार भएको हो। २०८० सालमा बक्स अफिसमा करिब १७ करोड कमाई गर्दै ब्लकबस्टर बनेको जारी को सिक्वेल भएकाले जारी–२ यस वर्षको सर्वाधिक प्रतीक्षित सिनेमा मानिएको छ।
