सिनेमा संसार
काठमाडौं
आगामी शुक्रवार रिलिजमा आउने सिनेमा मोहरमा समावेश गीत सपना हो कि विपना हो कि जिन्दगी सार्वजनिक गरिएको छ।
थानेश्वर गौतम र शान्ति श्री परियारको स्वर रहेको गीतमा प्रभा बर्तौलाको शब्द रचना र थानेश्वर गौतमकै संगीत छ।
वियोगान्त गीतका शब्द कर्णप्रिय छन्। गीतले सिनेमाका पात्रहरूको वियोगान्त कथा बोलेको छ। सिनेमा मेकर्स प्रालिको ब्यानरमा चुम्बनजंग शाहीद्वारा निर्मित सिनेमा ओम प्रतीकको लेखन र निर्देशनमा बनेको छ।
पल शाह, अर्जुनजंग शाही, बेनिशा हमाल, नीति शाह, मिथिला शर्मा, रविन्द्र झा, लक्ष्मी गिरी, मिस पबी, सुशील देवकोटा, लक्ष्मीनाथ तिमिल्सिना, सिद्धार्थ सिंह, दत्त पण्डित, गीता थापा, नविन खतिवडा, अर्जुन आचार्य, बालकलाकार सारा शर्मालगायतका कलाकारले अभिनय गरेको सिनेमामा सुरेश अधिकारी, थानेश्वर गौतम, एसडी योगीको संगीत, रामजी लामिछाने र कविराज गहतराजको कोरियोग्राफी, कुमार महर्जनको एक्सन, समीर मियाको भीएफएक्स, दीपेन बस्न्यातको डीओपी र भूपेन्द्र अधिकारीको सम्पादन रहेको छ।
