CINEMANEWS

नवीन सुब्बाको नयाँ सिनेमा लाहुरेको जुत्ताका कलाकारका लागि आवेदन खुला

सिनेमा संसार
काठमाडौं

निर्देशक नवीन सुब्बाले तेस्रो कथानक सिनेमा निर्देशन गर्ने तयारी गरेका छन्। ‘नुमाफुङ’ र ‘गाउँ आएको बाटो’जस्ता समीक्षात्मक रुपमा सफल सिनेमा बनाइसकेका सुब्बा अब ‘लाहुरेको जुत्ता’ निर्देशन गर्दैछन्।सिनेमाको निर्माण मेन्छायम पिक्चर्सले गर्नेछ भने निर्माता आमोद राई र पूर्णसिंह बराइली रहनेछन्। निर्माण कम्पनीले हालै कलाकार छनोटका लागि आवेदन खुला गरेको छ।सिनेमाको छायांकन सन् २०२४ को अक्टोबर महिनादेखि सुरु गर्ने तयारी गरिएको छ। कथा २०४० को दशकमा पूर्वी नेपालको लिम्बु समुदाय बसोबास गर्ने पहाडी गाउँमा आधारित छ। त्यसअनुसार छायांकनका लागि उपयुक्त लोकेसनको खोजी भइरहेकाे छ।निर्माता आमोद राईले आफ्नो गाउँ वा लिम्बु बस्तीलाई लोकेसनका रूपमा प्रस्ताव गर्न चाहनेलाई फोटो र भिडियो पठाउन अनुरोध गरेका छन्।‘लाहुरेको जुत्ता’ शीर्षकले नेपाली समाजमा वैदेशिक रोजगारीको सन्दर्भ र त्यसले गाउँघरमा पार्ने प्रभावको झलक दिने अनुमान गरिएको छ।सिनेमाको अन्य प्राविधिक टोली र कलाकारहरूको छनोट प्रक्रिया पनि सुरु भइसकेको जनाइएको छ।

Related Articles

Back to top button