सिनेमा संसार
काठमाडौं
जात्रा सिनेमाको शृंखलामार्फत स्थापित ब्यानर षट्कोण आट्र्सले नयाँ सिनेमा लालीबजारको निर्माणअघि नै अभिनेत्री स्वस्तिमा खड्का फिचर्ड पोस्टर सार्वजनिक गर्दै रिलिज डेट घोषणा गरेको छ।आगामी फागुन १ गतेका लागि रिलिज डेट तोकिएको सिनेमाको सार्वजनिक पोस्टरमा अभिनेत्री खड्का भिन्न रूपमा देखिएकी छिन्। गर्भवती अवतारमा प्रस्तुत उनको शृंगार र हाउभाउले फरक चित्रण गरेको छ। उनको शारीरिक अवस्था र चाहना पोस्टरमा भिन्न देखाइएको छ। अभिनेत्री खड्काले सिनेमाको कथावस्तु र निर्माण टिमको कारणले आफू फरक रूपमा प्रस्तुत हुन तयार भएको बताइन्। ‘मेरा अघिल्ला सिनेमाभन्दा यसमा भिन्न स्वस्तिमा दर्शकले देख्नुहुनेछ। सार्वजनिक पोस्टरले पनि धेरै कुरा भनेको छ, म यो पात्रलाई जीवन्त बनाउन निकै उत्साहित छु’ स्वस्तिमाको भनाइ छ।
