सिनेमा संसार
काठमाडौं
आगामी वर्षको जेठ ३० गते रिलीजमा आउने सिनेमा ’भाईरल गोर्खेको टिजर सार्वजनिक गरिएको छ।
२ मिनेट ८ सकेण्ड लामो टिजरमा सिनेमाको कथावस्तुका कारेमा प्रकाश पारिएको छ।सामाजिक सञ्जालको प्रयोग र प्रभाव बढ्दै जाँदा भाईरल हुन जे पनि गर्ने प्रवृत्ति बढ्दो छ। भाईरलका पछाडि लाग्दाको प्रभाव र असरको परिणाम सिनेमाको सार्वजनिक टिजरमा देखाइएको छ। सिनेमाको टिजरमा गोपाल पाँडे पात्रको भाईरल हुन गरेका विभिन्न हर्कत र भाईरल भैसकेपछि लाइभ बसेर फ्यानसँग साक्षात्कार गरेदेखि पत्रकासँग अन्र्तवार्ता गरेसम्मका दृश्यले दर्शकको मन जित्छ।
द जिएमआई एकेडेमी र निर्भाना फिल्म स्कुलको व्यानरमा निर्माण भएको सिनेमामा सौगात मल्ल, सृष्टि श्रेष्ठ, बुद्धि तामाङ, लक्ष्मी गिरी, राजाराम पौडेल, ऋषि धमलालगायतको अभिनय रहेको छ। विशाल ताम्राकार, महेश लामिछाने र केवल जंग कुँवर निर्माता रहेको सिनेमा सह–निर्माता भुवन अधिकारी र निखिल पौडेल हुन्। सिनेमा निगम श्रेष्ठले निर्देशन गरेका छन्।
