सिनेमा संसार संवाददाता
काठमाडौं
कमेडी टेलिसिरियल भद्रगोलका सिते बा मधुसुदन पाठकले शनिबार भद्रगोलका कलाकारहरुका साथ रमाइलो गर्दै बर्थडे मनाएका छन्। 
भद्रगोलका प्रमुख कलाकारद्वय जिक्री हजुर कुुमार कट्टेल र पांडे बुडा अर्जुन घिमिरेका साथ बर्थडे व्वाई मधुसुदन पाठक, दीपक आचार्य र अशोक धिताल तथा व्यसायी नविन हुमागाईंद्वारा राजधानीको डिल्लीबजारमा सञ्चालित इचिबान रेष्टुराँमा मधुले केक काटेर बर्थडे मनाएका हुन्। बर्थडे सेसेलिब्रेशनमा मधुसुदनलाई हास्य कलाकार दम्पती सिताराम कट्टेल धुर्मुस र कुञ्जना घिमिरे सुन्तलीका साथमा भद्रगोलका कलाकारहरुले शुभकामना र उपहार प्रदान गरेका थिए। उनको बर्थडेमा साथीभाई र पारिवारीक सदस्यहरु पनि सहभागी थिए भने सबैले नाचगान गरेर रमाइलो गरेका थिए। मधुसुदनले ३०औं बर्थडे मनाएका हुन्। 
