सिनेमा संसार संवाददाता
काठमाडौं
अशोक शर्माको सिनेमा जय भोलेको उम्लियो भने पोखिन्छ बोलको भिडियो सार्वजनिक भएको छ।
बिहीवार राजधानीमा आयोजित कार्यक्रममा सार्वजनिक गरिएको भिडियोमा नायक सलोन बस्नेत र स्वस्तिमा खड्का साथमा खगेन्द्र लामीछाने र सौगात मल्लले डान्स गरेका छन्। भिडियोमा बुद्वी तामाङ, शुरविर पण्डीत, जयनन्द लामा, शारदा गिरी, रामचन्द्र अधिकारीलगायतका कलाकार पनि खेखिएका छन्। राजनराज शिवाकोटी र मेलीना राईको स्वर रहेको गीतमा शब्द र संगीत राजनकै रहेको छ। गीतको कोरियोग्राफी नृत्य निर्देशक वसन्त श्रेष्ठले गरेका छन्।
दशैमा रिलीज हुने सिनेमामा लेखन खगेन्द्र लामिछाने तथा निर्माण किरण शर्मा, कृति शर्मा र अंकित शर्माको रहेको छ। यो भिडियोलाई १ दिनमै १ लाखभन्दा बढीले हेरिसेका छन्।
