सिनेमा संसार
काठमाडौं
बलिउड अभिनेता दीपराज राणा नेपाली सिनेमा सुख दुःखमा अभिनय गर्न लागेका छन् । उनले निर्मात्री नीता ढुङ्गानासँग लिखित सम्झौता गरेका छन् ।
सिंघम रिटन्र्स, प्रेम रतन धन पायो, दबङ ३ र हालै रिलिज भएको मेट्रो इन दिनो लगायतका बलिउड सिनेमा हरूमा उनको अभिनय देखिएको छ । उनले बिल्ली उस्ताद, सितारे जमीन परजस्ता सिनेमा हरूमा पनि अभिनय गरेका छन् ।दीपराज राणाले यसअघि श्रीकृष्ण श्रेष्ठ अभिनीत नेपाली सिनेमा कोहिनुरमा पनि अभिनय गरेका थिए । सो सिनेमा रिलिज भएको ११ वर्षपछि उनले पुनः नेपाली सिनेमा मा काम गर्न लागेका हुन् ।
उनी सुख दुःख सिनेमा मा अभिनय गर्न इच्छुक हुनुको कारण कथा मन परेकाे बताइएको छ । प्राप्त विवरण अनुसार कथा सुनेपछि उनी भावुक बनेका थिए । यद्यपि उनको भूमिकाबारे खुलाइएको छैन ।
सिनेमा को छायांकन फागुनदेखि सुरु गर्ने तयारी छ । यसअघि विपना थापा, मिथिला शर्मा र मदनकृष्ण श्रेष्ठ सिनेमा मा अनुबन्धित भइसकेका छन् ।
नीता फिल्म्सको ब्यानरमा निर्माण हुने यो सिनेमा २०८३ सालको दशैंको फूलपातीबाट प्रदर्शनमा ल्याउने योजना बनाइएको छ ।
