सिनेमा संसार
काठमाडौं
सान्भी इन्टरटेनमेन्ट प्रालिको व्यानरमा निर्मित सिनेमा रंगी आगामी अप्रिल ६ मा अष्ट्रेलियामा रिलिज हुने भएको छ।
अभिनेता सलोन बस्नेत प्रस्तुतकर्ता रहेको सिनेमा बाबुछोरीको कथामा आधारित छ। यो सिनेमा नेपालमा गत फागुन २ गते रिलिज भएको थियो।
सुरेश न्यौपानेको डेब्यू निर्देशन रहेको सिनेमामा सलोन बस्नेत, नम्रता श्रेष्ठ, दिलीप रायमाझी, आयुषी ढकाल, उत्तम केसी, सुमिन गुरुङ, विशाल पहारीलगायतले अभिनय गरेका छन्।
सक्षम सुवेदी, करिश्मा केसी बस्नेत र अनिश गौतमको निर्माण रहेको सिनेमामा सुमन गजमेरको लेखन, दुर्गेश थापा, आमेश भण्डारी र भीम बिसीको संगीत, आनन्द कार्की, आमेश भण्डारी, भीम बिसी, समीक्षा अधिकारी र सुजता केसीको स्वर, दुर्गेश थापा, आमेश भण्डारी र भीम बिसीको शब्द, सौरभ लामाको छायांकन र बन्दे प्रसादको सम्पादन रहेको छ।
