BOLLYWOODHOLLYWOOD

अमिताभ बच्चनको बंगला पनि डुबानमा, मुम्बईमा रेड अलर्ट जारी

सिनेमा संसार
काठमाडौं

भारी वर्षासँगै मुम्बईमा जनजीवन अस्तव्यस्त बनेको छ। भारतीय मौसम विभागले रेड अलर्ट जारी गरेको छ भने बलिउड सुपरस्टार अमिताभ बच्चनको जुहूस्थित प्रतीक्षा बंगला समेत डुबानमा परेको छ।

सार्वजनिक भिडियोमा बिग बी आफैंले वाइपर लिएर घर अगाडिको पानी सफा गरिरहेको देखिन्छ। भिडियो खिच्ने फ्यानले बच्चनले कर्मचारीसँगै पानी हटाउने प्रयास गरेको दाबी गरेका छन्।जुहू क्षेत्रमा सडक घुँडासम्म पानीले भरिएका छन्, जसले बच्चन परिवारका कर्मचारीलाई आवतजावतमा समेत समस्या भएको छ। अर्को बंगला जलसा, जहाँ अमिताभ परिवारसँग बस्छन्, पनि क्षतिग्रस्त भएको बताइएको छ। यही बंगलामा अभिषेक र ऐश्वर्याको विवाह सम्पन्न भएको थियो।पछिल्ला २४ घण्टामा मुम्बईमा ३०० मिलिमिटर वर्षा भएको छ। लगातार तेस्रो दिन स्कुल, कलेज र सरकारी कार्यालय बन्द छन्। मुम्बईका ३४ स्थानीय रेल सेवाहरू रद्द भएका छन् भने २५० भन्दा बढी उडानहरू प्रभावित भएका छन्।यसैबीच, १९ अगस्ट २४ बाट सुरु हुन लागेको टेलिभिजन शो बिग बोस १९ को मिडिया भ्रमण पनि वर्षाका कारण रद्द गरिएको छ।

Related Articles

Leave a Reply

Your email address will not be published. Required fields are marked *

Back to top button