सिनेमा संसार
काठमाडौं
वन्डर वुमनको भूमिकाका लागि चर्चित हलिउड अभिनेत्री गल गाडोटलाई हलिवुड वाक अफ फेमबाट सम्मानित गरिएको छ। यो उपाधि प्राप्त गर्ने उनी पहिलो इजरायली अभिनेत्री हुन्। समारोह हलिवुड बुलेभार्ड एल क्यापिटान थिएटरको अगाडि सम्पन्न भएको थियो। जुन सम्मान लिन गाडोट आफ्नो पति जारोन वार्सानो र उनीहरूको चार छोरीहरू १३ वर्षिया आल्मा ८ वर्षिया माया ३ वर्षिया डानिएला र १३ महिनाकी ओरीयाका साथ समारोहमा सहभागी भएकी थिईन्।तर समारोहमा प्यालेस्टिनी र इजरायली समर्थक प्रदर्शनकारीहरूले प्रर्दशन गरेकाले केहि समयका लागि अवरुद्ध भएको थियो।उनको सम्मानको खवर सुनेका प्यालेस्टायनी समर्थकहरु उनको विरोधमा विभिन्न ब्यानर सहित केहि समय अघि नै कार्यक्रम स्थाल अगाडि भेला भएका थिए।प्रर्दशनकारीहरुले गाडोटले आफ्नो सामाजिक सञ्जालको सहि प्रयोग नगरेको र हिंसा भड्काउने काम गरेको आरोप लगाउदै उनलाई सम्मान गर्नूपर्ने कुनै कारण नरहेको भन्दै असन्तुष्टि व्यक्त गरेका थिए। जसका कारण कार्यक्रम शुरु हुन केहि ढिलाइ भएको थियो भने केहि समयका लागि कार्यक्रम स्थल नै बन्द गरिएको थियोे।
धेरैजसो प्यालेस्टिनीहरू उनको राजनीतिक धारणा प्रति आलोचनात्मक रहेका छन्।प्यालेस्टिनीहरुले उनलाई मन नपराउनुको मुख्य कारण उनको इजरायली सेनाप्रति सार्वजनिक समर्थन हो। गाडोटले अनिवार्य सैन्य सेवाको भागको रूपमा इजरायल रक्षा बलमा सेवा गरेकी थिइन्।विशेष गरी सन् २०१४ मा गाजा युद्धको समयमा उनले ईजरायली सेनालाई बलियो समर्थन व्यक्त गरेकी थिइन्। सो युद्धमा निर्दोष नागरिकहरू सहित हजारौं प्यालेस्टिनीहरु मारिएका थिए।गडटको इजरायली सेनाप्रतिको सार्वजनिक समर्थनलाई प्यालेस्टिनहरु आफ्नो पीडाप्रति उपेक्षा गरेको आरोप लगाउछन्। जसले गर्दा उनलाई इजरायल–प्यालेस्टिन द्वन्द्वको सन्दर्भमा विवादास्पद व्यक्तित्व बनाएको छ।सम्मानपछि गाडोटले आफ्ना परिवार र सहकर्मीहरूप्रति कृतज्ञता व्यक्त गरिन्।समारोह स्टिभ निसेनले आयोजना गरेको वाक अफ फेम सम्मानमा फिल्म निर्माता प्याटी जेनकिन्स, अभिनेता विन डिजेल र शिरा हास लगायतसहभागी थिए । सम्मान ग्रहण गरेपछि गल ग्याडोटले भनिन् म इजरायली सहरकी केटी हु।यो स्टारले मलाई कडा परिश्रम, लगन र केहि विश्वासले जे पनि सम्भव छ भन्ने सम्झाएको छ।
ग्याडोट गत शुक्रवार प्रर्दशन भएको डिज्नीको आगामी लाइभएक्शन फिल्म स्नो ह्वाइट रिमेकमा इभिल क्वीनको भूमिकामा देखिएकी छन्।
