सिनेमा संसार
ख्यातिप्राप्त पाकिस्तानी गजल गायक गुलाम अली र संगीतकार तथा गीतकार दीपक जंगमको चार दशकपछि पुनः भेट भएको छ।गुलाम अलीले ४० वर्षअघि काठमाडौं आएको बेला मबिबी शाह (तत्कालीन राजा महेन्द्र) को रचनामा दीपक जंगमको संगीत रहेको “किन किन तिम्रा तस्वीर” बोलको गजल गाएका थिए। उनले जंगमको संगीतमा चार गजल गाएका छन्।विहीबार काठमाडौं आइपुगेका अलीले शनिबार ललितपुरको पुल्चोकमा आयोजित गुलाम अली थ्री जनेरेशन अन वन स्टेज कार्यक्रममा आफ्ना लोकप्रिय गजल प्रस्तुत गर्दै गजलप्रेमीहरूलाई मन्त्रमुग्ध बनाए।कार्यक्रममा अलीका छोरा अमिर र नाती नाजिरले पनि प्रस्तुति दिए। साथै, संगीतकार दीपक जंगमलाई विशेष सम्मान गरिएको थियो।
