सिनेमा संसार
काठमाडौं
गायिका अस्मिता अधिकारी र गायक महेश काफ्लेले विहिबार वैवाहिक जीवनमा बाँधिएका छन्। राजधानीको कार्की ब्यांक्वेटमा आयोजना गरिएको विवाह समारोहमा दुवै पक्षका परिवार, आफन्त र निकट संगीतकर्मी उपस्थित थिए।विवाहमा पन्चेबाजासहित बेहुला महेश, उनका बुवा तथा गायक भोजराज काफ्ले, र बेहुली अस्मिताका गीतहरू बजाइएको थियो। समारोहमा सहभागी भएका अतिथिहरूले नवविवाहित जोडीलाई बधाई दिएका थिए भने सामाजिक सञ्जालमा पनि बधाईको ओइरो लागेको छ।अस्मिता र महेशले गत असारमा दुबईमा इन्गेजमेन्ट गरेका थिए। प्रेम सम्बन्धलाई औपचारिकता दिँदै दुबईस्थित संसारको अग्लो टावर ‘बुर्ज खलिफा’मा उनीहरूले इन्गेजमेन्ट गरेका थिए।उनीहरू केही गीतमा सहकार्य गरिसकेका छन् र विभिन्न कन्सर्टमा समेत संयुक्त प्रस्तुति दिएका छन्। काठमाडौं महानगरपालिकाले स्थापना दिवसको अवसरमा टुँडिखेलमा आयोजना गरेको सांगीतिक कार्यक्रममा पनि उनीहरूले प्रस्तुति दिएका थिए।
