सिनेमा संसार
काठमाडौं
अभिनेता सलोन बस्नेतद्वारा प्रस्तुत सिनेमा रंगीले बुधबार साँझ राजधानीमा आयोजना गरेको ग्राण्ड प्रिमियरमा सकारात्मक प्रतिक्रिया पाएको छ।
भोलि शुक्रबारबाट रिलिज हुने सिनेमाको प्रिमियरका सहभागी सिनेकर्मीले रंगी राम्रो बनेको प्रतिक्रिया दिएका हुन्। बाबुछोरीको कथामा आधारित सिनेमा हेरेपछि निर्देशक दीपाश्री निरौला, कलाकार निर्मल शर्मा, दीपक आचार्य ‘काकु’, कमेडियन भरतमणि पौडेल, कोरियोग्राफर गम्भीर विष्ट, निर्देशक ज्ञानेन्द्र देउजालगायतले सिनेमाको कथावस्तु मन परेको बताए।
सुरेश न्यौपानेको डेब्यू निर्देशन रहेको सिनेमामा सलोन बस्नेत, नम्रता श्रेष्ठ, दिलीप रायमाझी, आयुषी ढकाल, उत्तम केसी, सुमिन गुरुङ, विशाल पहारीकलगायतले अभिनय गरेका छन्। सान्भी इन्टरटेनमेन्ट प्रालिको व्यानरमा सक्षम सुवेदी, करिश्मा केसी बस्नेत र अनिश गौतमले निर्माण गरेको सिनेमामा सुमन गजमेरको लेखन, दुर्गेश थापा, आमेश भण्डारी र भीम बिसीको संगीत, आनन्द कार्की, आमेश भण्डारी, भीम बिसी, समीक्षा अधिकारी र सुजता केसीको स्वर, दुर्गेश थापा, आमेश भण्डारी र भीम बिसीको शब्द, सौरभ लामाको छायांकन र बन्दे प्रसादको सम्पादन, रहेको छ।
