सिनेमा संसार संवाददाता
काठमाडौं
आगामी जेठ ५ गते रिलिज हुने सिनेमा गणपति निर्माण समूहले आमाको मुख हेर्ने दिनको पूर्वसन्ध्या पारेर बुधबार आमासम्बन्धी गीत सार्वजनिक गरेको छ।
ए मेरी आमा बोलको यो गीत छोटो भर्सनमा संवादसहित रिलिज गरिएको हो। प्रमुख अभिनेता मुकुन भुषाल र उनकी आमाको चरित्र सुर्यमाला खनालको कथा बोल्ने यो गीतलाई सिनेमामा नै पुरा हेर्न सकिने बताईएको छ । यस गीतमा निर्देशक सविन अधिकारीले नै शब्द तथा संगीत रचना गरेका छन् भने प्रविन भेडुवालको स्वर रहेको छ ।
सिनेमामा मुकुन र मेनुका प्रधानको साथमा कविता न्यौपाने, सूर्यमाला खनाल, जयनन्द लामा, प्रकाश घिमिरे, राजाराम पौडेल, पुष्कर गुरुङ, अंशु मानन्धर, कालु राना, टीका भक्त जिरेल, देवेन्द्र बब्लु, शुशील पोखरेल लगायतको अभिनय रहेको छ।
