सिनेमा संसार
काठमाडौं
हरिबहादुरको जुत्ता नामक सिनेमा निर्माण गरेको टिमले नयाँ सिनेमा श्रीनिवास निर्माणको घोषणा गरेको छ। गत दशैँकमा रिलीज भएको हरिबहादुरको जुत्ताले दर्शकको राम्रो साथ र सकारात्मक प्रतिक्रिया पाएपछि टिमले दोस्रो प्रोजेक्ट अगाडि सारेको हो।
एसएम मोसन पिक्चर्सको ब्यानरमा निर्माण हुने श्रीनिवासको औपचारिक घोषणा आज गरिएको हो। सिनेमामा हरिवंश आचार्य र अभिषेक खड्का मुख्य भूमिकामा देखिनेछन्। अभिषेकको डेब्यु सिनेमा कुमारी यही माघ २३ गतेबाट प्रदर्शनमा आउँदैछ, जसले उनलाई पछिल्लो समय चर्चामा ल्याएको छ।
सरोज ओली र मोहितवंश आचार्यको निर्माण रहने सिनेमा सजन काफ्ले र आकाश बरालले संयुक्त निर्देशन गर्नेछन्। यसअघि उनीहरूले सिनेमा बेहुली फ्रम मेघौली निर्माण गरेका थिए।
श्रीनिवासको कथा तथा पटकथा अभिमन्यु निरावीले लेखेका हुन्।
