
सिनेमा संसार
काठमाडौं
सिनेमा माइतीघरको शीर्ष गीत ‘वसन्त नै बस्न खोज्छ यहाँ लोलाएर’को रि-क्रिएसन संस्करण युट्युबमा रिलिज भएको छ।
गीतमा सञ्जिवनीको स्वर, किरण खरेलका शब्द र जयदेवको संगीत छ भने भिडियोमा उपासनासिंह ठकुरी र श्यामाश्री शेर्पाको अभिनय छ।सिनेमाको मौलिक संस्करणमा आशा भोस्लेको स्वर थियो।मानकृष्ण महर्जन र सुसन प्रजापतिको छायांकन रहेको सिनेमामा सुरेन्द्र पौडेलको सम्पादन छ भने कविराज गहतराजले नृत्य निर्देशन गरेका छन्।
मिलन तामाङको निर्देशनमा बनेको यो सिनेमामा रविन शेरचन र धीरज तामाङको लगानी छ।ईश्वर श्रेष्ठ र निरज कटुवाल कार्यकारी निर्माता रहेको सिनेमामा रामशरण पाठकको पटकथा छ।
सिनेमामा केदार घिमिरे, धीरज मगर, प्रकाश सपुत, युवराज लामा, वुद्धि तामाङ, शिशिर वाङ्देल, रजनी गुरुङ, सन्तोष शाही, फूलकुमार बमजम र संगीता थापाको अभिनय छ।रोहित अधिकारी फिल्म्सको ब्यानरमा निर्माण भएको यो सिनेमा असोज १३ गते दशैंको फूलपातीबाट प्रदर्शन हुने जनाइएको छ।