सिनेमा संसार
काठमाडौं
बलिउड अभिनेत्री काजोल भाषालाई लिएर विवादमा तानिएकी छन्।उनलाई भाषा विवादकै कारण मानिसहरुले सामाजिक सञ्जालमा ट्रोल गरिरहेका छन्। साथै मानिसहरुले उनलाई बाईकट गर्ने तथा उनलाई हिन्दी भाषाका फिल्ममा काम नगर्न समेत भनेका छन् ।
हालै काजोलको एक भिडियो सामाजिक सञ्जालमा आएपछि उनी विवादमा तानिएकी हुन्। हालै मुम्बइमा आयोजित महाराष्ट्र राज्य फिल्म पुरस्कारमा सहभागी भएकी थिईन्।जहा उनी एक रिर्पोटरमाथि रिसाईरहेकी देखिईन्। किनभने उनले काजोललाई हिन्दी बोल्न आग्रह गरेका थिए।समारोहमा उनललाई भारतिय सिनेमामा उनको योगदनको लागि प्रतिष्ठित राज कपुर पुरस्कारबाट सम्मानित गरिएको थियो। सो पुरस्कार ग्रहण गरेर कार्यक्रमलाई सम्बोधन गर्ने क्रममा काजोलले अधिकाशं समय मराठी तथा अंग्रेजी भाषा बोलिन्। जब पत्रकारले उनलाई हिन्दीमा बोल्न आग्रह गरे उनले झर्किँदै अहिले म हिन्दीमा बोलूँ? जसलाई बुझ्नुछ, उसले बुझ्नेछ भनेकी छन्।
उक्त भिडियो सामाजिक सञ्जालमा व्यापक रुपमा सेयर भइरहेको छ र धेरै हिन्दी भाषी दर्शकहरू काजोलप्रति आक्रोशित छन्।
राज ठाकरे नेतृत्वको महाराष्ट्र नवनिर्माण सेना (मनसे) ले पनि उक्त भिडियो आफ्नो आधिकारिक एक्स खाताबाट सेयर गर्दै काजोलको मराठी प्रयोगको समर्थन गरेको छ।
यद्यपि काजोलले सोही कार्यक्रममा हिन्दीमा पनि केही कुरा गरेकी थिइन् भन्ने कुरा उनले आफैंले सेयर गरेको भिडियोबाट पुष्टि हुन्छ। तर सामाजिक सञ्जालमा भाइरल भएको क्लिपमा उनको झर्किएको अंश मात्र देखाइएको छ, जसका कारण विवाद चुलिएको हो।
काजोल पछिल्लो पटक फिल्म मा मा देखिएकी थिइन्, जसले दर्शक र समीक्षकबाट मिश्रित प्रतिक्रिया पाएको थियो।
