सिनेमा संसार
काठमाडौं
हरर कमेडी सिनेमा फिरफिरे फिरिरीको ट्रेलर सार्वजनिक गरिएको छ। च
लचित्र विकास बोर्डको हलमा एक कार्यक्रमका बिच सिनेमाको ट्रेलर सार्वजनिक गरिएको हो। सार्वजनिक ट्रेलरले सिनेमाको कथावस्तुबारे प्रकाश पार्छ। झन्डै ३ मिनेट लामो ट्रेलरले सिनेमा गाउँघरमै बसेर विभिन्न पेशा अंगालेका ४ युवकको जीवनमा एक युवतीको आगमनपछि उत्पन्न परिस्थितिलाई हास्य शैलीमा देखाइएको छ।
आगामी माघ ४ गतेबाट रिलीजमा आउने सिनेमा नविन भट्टले निर्देशन गरेका हुन्। ट्रेलर रिलिज कार्यक्रममा बोल्दै निर्माता तथा कलाकार मनोज अधिकारीले सिनेमा फरक कथा बस्तुमा र नौलो शैलीमा निर्माण गरिएको बताए।
सिनेमामा सन्दीप श्रेष्ठ, भावना उप्रेती, रविना केसी, पिटर प्रिन्स, मनोजकुमार अधिकारी, शंकर सेढाई, सूर्यमान लिम्बू, पुष्प अवस्थीलगायतको अभिनय छ। निर्देशक भट्ट र सन्दीप श्रेष्ठले सिनेमाको स्क्रिप्ट मिलेर लेखेका हुन्।
मनोजकुमार अधिकारीद्वारा निर्मित सिनेमामा जितु तामाङको छायाङ्कन, केशवराज भट्टको कोरियोग्राफी, प्रशान्त शिवाकोटीको संगीत तथा अनन्त घिमिरेको सम्पादन रहेको छ।
