MUSICNEWS

एकल साँझमा घन्किए प्यासी

सिनेमा संसार संवाददाता
कामठाडौं
के भुल भयो प्रिया मसँग बोल्दिनौ
उज्यालो जुन उघार्दै पर्दा रातको खोल्दिनौ
यो कालजायी गीतका श्रष्टा नरेन्द्र प्यासी बिहिबार काठमाडौंमा एकल साँझका साथ प्रस्तुत भए। उनले यही गीतबाट एकल साँझ नरेन्द्र प्यासी एकल साँगीतिक साँझ–२०७५ सुरु गरेका थिए। एकल साँझमा प्यासीले आफ्ना १४ गीत प्रस्तुत गरेका थिए।
कार्यक्रममा उनले एकपछि अर्को गर्दै आफ्ना हिट गीतहरु सुनाए। करिब दुई घन्टाको बसाईमा दर्शकले यी गायकका लोकप्रिय गीतमा रम्दै निरन्तर तालीले साथ दिए। के भुल भयो प्रियागीतबाट कार्यक्रम सुरु गरेका गायक प्यासीले दोश्रो गीत गाउनुअघि नै दर्शक दीर्घाबाट वान्स मोरको आवाज आयो। अरु पनि आफ्ना लोकप्रिय गीतहरु छन भन्दै उनले दोश्रो गीत तिमीले दिने माया गाए। यो गीतमा उनलाई महिला स्वरमा शिला बिष्टले साथ दिईन्। एकपछि अर्को गर्दै गायक प्यासीले तिमी विनाको जीवन, तिम्रो दिलमा चोट लाग्दा, म त तिम्रो मान्छे बन्न सकिनजस्ता चर्चित गीतहरु सुनाए ।
आफ्नो एकल साँझलाई निरन्तरता दिने क्रममा गायक प्यासीले एउटा परदेशी आयो, मनलाई, माया ओ माया, जाम क्यारे उडेर, मेहफिलमा आज, नजर पापी, चन्द्रमाले, फुलको दीलमा पनि, काठमाडौं छुट्यो हेर्दा हेर्दैजस्ता चर्चित गीतहरु गाए।
आफ्ना प्रथम संगीत गुरु अम्बर गुरुङ सहित अग्रज कलाकारप्रति साँझलाई समर्पण गर्दै गायक प्यासीले एकलसाँझ सुरु गरेका थिए। नरेन्द्र प्यासी एकल साँगीतिक साँझ–२०७५मा गायक प्यासीलाई प्रत्यक्ष बादबादनमा दिनेशराज रेग्मी, दीपक थापा, सुरज प्रधान, अनुप दास, कुमार महाराज, भरत बुढाथोकी, सुधिर चौधरी, रविन कार्की, रुपेस सिंह, रत्न विक र भुवन गन्धर्वले साथ दिएका थिए। ६ वर्षदेखि अमेरिका बस्दै आएका गायक प्यासी यही एकल साँझका लागि काठमाडौं आएका हुन्। यो एकलसाँझ आफुले सोचेको भन्दै निकै सफल भएको गायक प्यासीले कार्यक्रममा बताए।
सांस्कृतिक संस्थान राष्ट्रिय नाचघरले आयोजना गरेको कार्यक्रममा संस्थानका तर्फबाट गायक प्यासीलाई सम्मानित गरिएको थियो। नेपाली गायन क्षेत्रमा बिगत चार दशकभन्दा लामो समयदेखि सुगम सँगीतबाट योगदान पु¥याएको भन्दै एकल साँझको आयोजनासहित प्यासीलाई सम्मानित गरिएको संस्थानका महाप्रबन्धक राजेश थापाले बताए। संस्थानका अध्यक्ष उद्योग राईले धन्यबाद ज्ञापन गर्दै कार्यक्रमका उदृेश्यबारे प्रकाश पारे। गायक प्यासीको बारेमा सांस्कृतिक संस्थानका बरिष्ट नाटक प्रबन्धक प्रभाकरदेव शर्माले कार्यक्रममा प्रकाश पारेका थिए।

Related Articles

Leave a Reply

Your email address will not be published. Required fields are marked *

Back to top button