सिनेमा संसार
काठमाडौं
प्रियंका कार्की, स्वस्तिामा खड्का, नीति शाह, साम्राज्ञी राज्यलक्ष्मी शाह, सृष्टि श्रेष्ठ, नम्रता श्रेष्ठ, माल्भिका सुब्बा, सबिता कार्की, आस्था पोखरेल, सन्तोष लोक्शुम लिम्बु, समपर्णजंग कार्की, सृच्छा प्रधान, प्रियंका रानी जोशीलगायत करिब २ दर्जन सेलिब्रेटी एउटै र्याम्पमा देखिने भएका छन्।
आगामी १५ र १६ गते होटल याक एण्ड यति दरबार मार्गमा आयोजना हुने १४औँ संस्करणको आइइसी डिजाइनर रनवे नामक फेसन शोमा सबै सेलिब्रेटी एकसाथ फेसन शोमा देखिने भएका हुन्। फेसन शोमा २ दर्जन सेलिब्रेटीका अलावा ३१ ब्यवसायिक मोडलले समेत पहिरनका नयाँ र आकर्षक डिजाइन प्रस्तुत गर्नेछन्। शोमा आइसी कलेजका २०२२ ब्याजका १ सय २ विद्यार्थीले डिजाइनरले तयार पारेका फरक फरक पहिरन २५ सिक्वेलमा प्रदर्शन गर्नेछन्।
भारतबाट चर्चित तथा अन्तर्राष्ट्रिय कोरियोग्राफर यतिन नरेन्द्र गान्धीको समेत सहभागिता रहने शोको म्यानेजमेन्ट नेक्स्ट मोडल्स नेपालले गर्दैछ।
