सिनेमा संसार
काठमाडौं
चर्चित भारतीय पार्श्व गायिका संजीवनीले आगामी नेपाली सिनेमा माइतीघरको शीर्ष गीतमा स्वर दिएकी छन्। सिनेमा माइतीघरको नयाँ संस्करणमा उनले यस अघि भारतिय गायिका आशा भोसलेको स्वरमा रहेको कालजयी गीत वसन्त नै बस्न खोज्छ यहाँमा आफ्नो स्वर दिएकी हुन्। पुरान संगीत रहने गीतको रचनाकार जयदेव र गीतकार किरण खरेल हुन्। संजीवनीको स्वर र रिकेश गुरुङको एरेन्जमेन्टमा पुरानो गीतलाई नयाँ जीवन मिलेको छ । आइतबार मुम्बईस्थित नीरञ्जन स्टुडियोमा संजीवनीले सो गीत रेकर्ड गरेकी थिइन्। उनले यसअघि थुप्रै नेपाली गीतहरूमा पनि आवाज दिएकी छिन् भने यो गीत उनका लागि एक पुनरागमन हो ।
निर्माता रोहित अधिकारीका अनुसार, नयाँ संस्करणमा बाँसुरी, मादल, ढोलक र सारंगीका धुनहरू समावेश गरिएका छन्। गीत रेकर्डीङको क्रममा संजीवनीले यदि उनलाई राम्रा नेपाली गीत मिल्ने हो भने उनी अन्य नेपाली गीतहरू पनि गाउन तयार रहेको बताएकी थिइन्।सिनेमा यस गीतसँगै ४ वटा अन्य गीतहरू पनि समावेश हुनेछन् जसमा एसडी योगी, एलिस कार्की र चन्द्र दोङका गीतहरू हुनेछ।
