सिनेमा संसार
काठमाडौं
बलिउड अभिनेत्री तमन्ना भाटिया र विजय वर्मा विगत केही दिनदेखि आफ्नो ब्रेकअपका खवरका कारण चर्चामा छन्। दुई वर्षभन्दा बढी समयदेखि एक अर्कालाई डेट गरिरहेका उनीहरु अलग भइसकेको भन्दै केहि दिन मात्र एउटा समाचार छापिएको थियो । ब्रेकअपको अफवाहबारे तमन्ना र विजयले कुनै प्रतिक्रिया दिएका छैनन्। तर सामाजिक सञ्जाल भने यहि खवरका कारण तातिईरहेको छ। यसैवित तमन्ना भाटिया आइतबार राति राशा थडानीको जन्मदिनको पार्टीमा सहभागी भईन्। यस क्रममा उनले कालो र सेतो धर्के कोट र कालो वन–पीस लगाएकी थिइन् । यो कोटमा अभिनेत्रीलाई देखेर नेटिजनहरूलाई विजयको याद दिलाएको छ किनभने केही समयअघि विजयले पनि ठ्याक्कै यस्तै कोट लगाएका थिए। विजयको जस्तै कोटमा तमन्नालाई देखेपछि फोटोमा धेरैले तमन्नाले विजयको कोट लगाएको भन्ने प्रतिक्रिया दिईरहेका छन्।तमन्नाले लगाएको कोट २०२३ को नोभेम्बरमा जियो वर्ल्ड प्लाजाको उद्घाटनमा विजयले लगाएको कोटसँग ठ्याक्कै मिल्छ । ब्रेकअपको हल्ला चलिरहेको बेला तमन्नाले सामाजिक सञ्जालमा हालेका विजयसँगका आफ्नो तस्बिर डिलिट गरेकी छैनन् । हालै उनीहरुले अभिनेत्री रवीना टन्डनको घरमा होली खेलेका थिए ।
