CINEMAMUSICNEWS

लाज शरणममा कर्णालीको कथा

सिनेमा संसार
काठमाडौं
व्यापारिक रूपमा सफलताका साथ चलिरहेको सिनेमा लाज शरणम्को मर्मस्पर्शी गीत च्यातिएको चोली सार्वजनिक भएको छ।
निर्माण टिमले रिलिजको तेस्रो दिनमा सार्वजनिक गरेको यो गीतमा सुरज पण्डितको स्वर रहेको छ । कुमार कट्टेलको निर्देशन रहेको सिनेमाको गीतमा वसन्त उदासको शब्द र संगीत छ। गीतको भिडियोमा डोल्पाका मनोरम दृश्य समेटिएको छ भने, कर्णालीको विपन्न परिवारको कथा देखाइएको छ। भिडियोले एक दम्पतीको दुःखसुख र संघर्षलाई भावुक ढंगले प्रस्तुत गरिएको छ। सिनेमाका मुख्य पात्र महेश त्रिपाठी र रेणु योगी फिचर्ड गीतले सिनेमाको मुख्य कथावस्तु झल्काएको छ। कर्णालीका प्राकृतिक सौन्दर्य तथा पात्रहरूको गहिरो अभिनयले दर्शकको मन जित्न सफल भएको छ ।
लोकप्रिय हास्य टेलिश्रृंखला सक्किगोनिको टिमले निर्माण गरेको लाज शरणम्मा महेश त्रिपाठी, सिताराम कट्टेल (धुर्मुस), विजय बराल, रेणु योगी, अर्जुन घिमिरे, सागर लम्साल, हरिष निरौला, प्रियाना आचार्य, अर्पण थापा, विजय लामा, मुकुन्द श्रेष्ठ, माला लिम्बूलगायतका कलाकारले अभिनय गरेका छन्।
लाज शरणम्ले प्रदर्शनको पहिलो दिन नै प्रभावशाली व्यापार गरेको छ। वितरकका अनुसार, पहिलो दिन मात्र सिनेमाले १ करोड १० लाख रुपैयाँको ग्रस कलेक्सन गर्न सफल भएको छ।

Related Articles

Check Also
Close
Back to top button