सिनेमा संसार
काठमाडौं
अर्जुन घिमिरे पाँडेले निर्देशन गर्ने फिचर सिनेमा झरीपछिको इन्द्रेणी’को छायांकन बागबजार क्षेत्रबाट सुरु भएको छ।सिनेमाको मुख्य भूमिकामा गणेश उप्रेती छन्, जो ९ वर्षपछि सिनेमामा फर्किएका हुन्। लामो समयदेखि अमेरिकामा बस्दै आएका उप्रेती सिनेमाका लागि नेपाल आएका हुन्।सिनेमाको छायांकन काठमाडौं, भक्तपुर र ललितपुरमा ४५ दिनसम्म हुनेछ। मुहूर्तपूजा ललितपुरको धन्तेरी बाराही मन्दिरमा गरिएको हो।‘भद्रगोल’ सिरिजमार्फत चिनिएका अर्जुन घिमिरेको यो निर्देशनमा डेब्यू सिनेमा हो। उनी यसअघि निर्माता र कलाकारको रुपमा काम गरिसकेका छन्।सिनेमामा प्रियाना आचार्य, निर्मल शर्मा, रमेश उप्रेती, दीपाश्री निरौला लगायतको अभिनय पनि रहनेछ।पटकथा अर्जुन घिमिरे, गणेश कार्की र विशाल घिमिरेले लेखेका छन् भने कथा कुमार व्यञ्जनकारको हो।सिनेमाको निर्माण पशुपति शिवजी इन्टरटेन्मेन्टको ब्यानरमा हुँदैछ। निर्मातामा सुशील कडरिया छन्।सिनेमाको एक गीत र्यापर तथा काठमाडौं महानगर प्रमुख बालेन शाहले गाउने जनाइएको छ भने अर्को गीत नेपाल भाषाका गायक रोजमाज महर्जनको हुनेछ।
