सिनेमा संसार
काठमाडौं
भारतको चर्चित रियालिटी गायन शो इन्डियन आइडल १५ को उपाधि मानसी घोषले जितेकी छन्। उपाधि जितेसंगै उनले ट्रफीका साथमा २५ लाख भारतिय रुपिया र कार उपहार पाएकी छन्।यसअघि गायन रियालिटी शो सुपर सिंगर को तेस्रो सिजनमा पनि सहभागी भएर फस्ट रनरअप भएकी मानसीले आफ्नो सुमधुर र जादुमयी स्वरका कारण लाखौको मन विजत्दै आएकी थिईन्।शोको उपाधि जितपछि उनलाई सामाजिक सञ्जालमा बधाईको ओइरो लागेको छ। शोको फिनालेमा स्नेहा शंकर, सुभाजित चक्रवर्ती, चैतन्य देवधे (माउली), प्रियङ्शु दत्त र मानसी घोषले प्रतिष्पर्धा गरेका थिए।जसमध्ये स्नेहा, मानसी र सुभाजित टप ३ मा परेका थिए।सेकेन्ड रनरअप भएकी स्नेहा शंकरले ५ लाख भारतिय रुपिया जितिन भने टी–सिरीजका भुषण कुमारमार्फत गीत रेकर्डिङ को अफर समेत प्राप्त गरेकी छन्। ईण्डियन आईडलको यस सिजनमा श्रेया घोषाल, विशाल ददलानी र बादशाह निर्णायक रहेका थिए।
